Author: Dechen Dorjee

ངེད་སློབ་གཉེར་ཁང་གི་དགོས་དམིགས་གཞིར་བཟུང་། འདི་གའི་དོན་གཉེར་ཅན་གྱི་སློབ་གཉེར་བ་རྣམ་པར། བོད་ཀྱི་ཡིག་གཟུགས་སྒྱུ་རྩལ་ངོ་སྤྲོད་དང་འབྲེལ་ཏེ། དཔེ་སྟོན་འབྲི་ཐབས་ཀྱི་ཟབ་ཁྲིད་ཅིག་དུས་ཀྱི་དགོས་མཁོར་མཐོང་སྟེ་རྒྱུགས་དུས་སོ་སོར་ཐེངས་རེར་གོ་སྒྲིག་ཞུ་འཆར་ཡོད་པ་གཞི་བཟུང་། ད་ཐེངས་རྒན་བློ་བཟང་དབང་འདུས་ལགས་དང་། རྒན་ཚེ་དབང་ནོར་བུ་ལགས། རྒན་བསྟན་འཛིན་དབྱངས་འཛོམས་ལགས་བཅས་ནས་དབུ་ཁྲིད་པའི་ཐོག བོད་ཀྱི་ཡིག་གཟུགས་སྒྱུ་རྩལ་སྦྱོང་ཐབས་ཟབ་སྦྱོང་དངོས་གཞི་དེ། འདི་ལོའི་ཕྱི་ཟླ་ ༤ ཚེས་ ༡༤ འགོ་ཚུགས་ཏེ་ཟླ་བ་གཉིས་རིང་ཁྱོན་ཆུ་ཚོད་ ༧ ཟབ་ཁྲིད་གོ་སྒྲིག་ཞུ་གཏན་འཁེལ་བ།བོད་ཀྱི་ཡིག་གཟུགས་སྒྱུ་རྩལ་སྦྱོང་ཐབས་ཀྱི་ཟབ་སྦྱོང་།

༄༅། །ངེད་སློབ་གཉེར་ཁང་གི་དགོས་དམིགས་གཞིར་བཟུང་། འདི་གའི་བོད་རིགས་ན་གཞོན་ཚོའི་ཆེད་དུ་བོད་ཀྱི་གཙུག་ལག་རིག་པའམ། བོད་དང་བོད་བརྒྱུད་ནང་བསྟན་རིག་པའི་ཆུ་ཚད་གོང་མཐོར་གཏོང་ཐབས་ཆེད། རྒྱུགས་དུས་སོ་སོར་དེ་འབྲེལ་བརྗོད་གཞི་འདྲ་མིན་ཐོག ཟླ་རེའི་ཟབ་ཁྲིད་ལས་རིམ་ཞིག་འདི་གའི་སློབ་གཉེར་ཁང་ནས་སྤེལ་འཆར་ཡོད་པ་བཞིན། ད་ཐེངས་དེའི་ཚོད་ལྟའི་ཆེད་རང་རེ་སློབ་གཉེར་ཁང་གི་གཞོན་ནུའི་རུ་ཁག་ལ། འདི་ལོའི་ཕྱི་ཟླ་བཞི་པའི་ཚེས་ ༧ ནས་འགོ་བརྩམས་ཏེ་ཟླ་བ་གཅིག་རིང་། སློབ་གཉེར་བ་རྣམས་ནས་བདམས་གནང་བའི་བོད་ཀྱི་ལོ་རྒྱུས་ངོ་སྤྲོད་ཅེས་པའི་བརྗོད་གཞིའི་ཐོག ཟབ་ཁྲིད་ཅིག་གོ་སྒྲིག་ཞུ་གཏན་འཁེལ་བ།