ང་ཚོའི་སྐོར།
གངས་ལྗོངས་ཆོས་ལྡན་གླིང་གི་གཟའ་འཇུག་སློབ་གྲྭ་འདི་བཞིན་ཕྱི་ལོ་ ༢༠༠༦ ལོར་འགོ་འཛུགས་ཞུས་པ་ཞིག་ཡིན་ལ། དེའི་དམིགས་ཡུལ་གཙོ་བོ་ནི་ཌོ་རོན་ཌོར་གནས་སྡོད་བོད་པའི་ཕྲུ་གུ་ཚོར་བོད་ཀྱི་རིག་གཞུང་སློབ་ཁྲིད་དང་བོད་པའི་ངོ་བོ་སྲུང་སྐྱོབ་བྱ་རྒྱུ་དེ་ཡིན། གཟའ་མཇུག་སློབ་གྲྭས་བོད་ཕྲུག་ལོ་ན་ལྔ་ཡན་ཆད་ལ་བོད་ཀྱི་སྐད་ཡིག་དང་ཟློས་གར་གྱི་སློབ་སྦྱོང་སྤྲོད་མུས་དང། བོད་ཀྱི་རོལ་མོ་དང་། སྲོལ་རྒྱུན་གོམས་གཤིས། རྩ་རླུང་། སྒོམ་སོགས་ཀྱི་སློབ་གསོའི་གོ་སྐབས་ཀྱང་བསྐྲུན་བཞིན་ཡོད།
ང་ཚོའི་སྐད་ཡིག་ནི་མི་རིགས་ཀྱི་བླ་སྲོག་དང། བྱིས་པ་རྣམས་ནི་མི་རིགས་འཛུགས་སྐྲུན་བྱེད་མཁན་ཡིན་པར་ཡིད་ཆེས་བྱེད་བཞིན་ཡོད། དེ་ཡང་ང་ཚོས་བོད་ཀྱི་རིག་གཞུང་སྲུང་སྐྱོབ་བྱེད་རྒྱུར་འབད་བཙོན་བྱེད་ཏེ་ང་ཚོའི་ཕྲུ་གུ་ཚོར་བོད་ཀྱི་སྐད་ཡིག་སློབ་ཁྲིད་བྱེད་དགོས། དེ་ནི་བོད་ཕྲུག་ཚོ་མ་འོངས་སྤྱི་ཚོགས་ནང་ཕན་བདེ་བསྐྲུན་མཁན་ཞིག་ཏུ་བསྒྱུར་རྒྱུའི་ཆ་རྐྱེན་དུ་ངོས་འཛིན་ཞུ་བཞིན་ཡོད། གངས་ལྗོངས་ཆོས་ལྡན་གླིང་གི་གཟའ་མཇུག་སློབ་གྲྭའི་ངོས་ནས་བྱིས་པ་ཚོ་རིག་གཞུང་གིས་ཕྱུག་པའི་ཁོར་ཡུག་ནང་ཤེས་ཡོན་ཚད་ལྡན་དང་ཉམས་མྱོང་ཕུན་སུམ་ཚོགས་པ་ཞིག་བསྐྲུན་རྒྱུའི་ཆོད་སེམས་ཡོད།
ང་ཚོ་སློབ་གྲ་ངོས་ནས་ཕ་མ་དང་འཛིན་སྐྱོང་དབར་མཉམ་སྦྲེལ་གྱིས་ཕྲུ་གུ་ཚོར་ཤེས་ཡོན་སྦྱོང་བརྡར་གྱི་ཁོར་ཡུག་བཟང་པོ་ཞིག་བསྐྲུན་ཏེ་མ་འོངས་པར་་སྐྱེ་བོ་འཇོན་ཐང་ཅན་དང་ལྷག་བསམ་ཅན་ཞིག་དུ་མ་འཚར་ལོང་ཡོང་ཐབས་ལ་འབད་བརྩོན་ཞུ་རྒྱུ་ཡིན། ང་ཚོ་གཟའ་མཇུག་སློབ་གྲྭ་དང་། ཕྲུ་གུ་ཚོའི་ཆེད་དུ་ལས་ཀ་བྱེད་རྒྱུའི་གོ་སྐབས་བཟང་པོ་ཐོབ་པར་སྤོབས་པ་ཡོད། གང་ལགས་ཤེ་ན་ང་ཚོས་བྱིས་པ་ཚོ་ནི་མ་འོངས་བོད་ཀྱི་སོན་རྩ་ཡིན་པར་ངོས་འཛིན་ཞུ་བཞིན་ཡོད།