པར་རིས་འདི་ཚོ་ནི་སློབ་ཕྲུག་ཚོས་ཟླ་བ་གཉིས་ཙམ་རིང་ནང་ལས་དང་ལས་འཆར་སྒྲུབ་པ་ཁག་གཅིག་རེད་། སློབ་ཕྲུག་ཚོས་དགེ་རྒན་རྣམས་ཀྱིས་བསྐུར་བའི་བདུན་རེའི་ནང་ལས་བྱེད་པ་དང་ཆབས་གཅིག་སྤྲོ་སེམས་ཆེན་པོའི་ཐོག་ནས་གཟའ་ཉི་མའི་དྲྭ་ཐོག་འཛིན་གྲྭའི་མཉམ་ཞུགས་གནང་བཞིན་ཡོད།དེ་ཡང། ཁ་འདོན་དང་སྒོམ་སོགས་ཀྱི་སྦྱོང་བརྡར་གནང་བཞིན་ཡོད་། དྲྭ་ཐོག་འཛིན་གྲྭ་དང་ནང་ལས་སོགས་ཀྱི་ནང་འཛུལ་ཞུགས་གནང་བས་གྲུབ་འབྲས་ནི་སློབ་ཕྲུག་ཚོར་བོད་ཡིག་གི་རྨང་གཞི་བརྟན་པོ་ཚུགས་ཐུབ་པ་མ་ཟད་། རང་རེའི་བོད་ཀྱི་སྐད་དང་ཡི་གེ་ལ་སློབ་གཉེར་བྱེད་རྒྱུ་དགའ་མོས་དང་གདེང་ཚོད་འཕར་མ་སྐྱེད་ཐུབ་པ་བྱུང་ཡོད་།།
