གསལ་བསྒྲགས།
༸རྒྱལ་བའི་བཀའ་དྲིན་རྗེ་དྲན་གྱི་ལོ། – སློབ་མའི་དབྱར་ཁའི་ལས་འཆར།
ད་ལོ་༸གོང་ས་སྐྱབས་མགོན་ཆེན་པོ་མཆོག་གི་བཀའ་དྲིན་རྗེ་དྲན་གྱི་ལོ་དང་བསྟུན་ནས། ཕྲུ་གུ་ཚོར་དམིགས་གསལ་གྱི་དབྱར་ཁའི་ལས་འཆར་ཞིག་གོ་སྒྲིག་ཞུས་བཞིན་ཡོད། ལས་འཆར་འདི་ཕྲུ་གུ་ཚོས་སོ་སོའི་འདོད་མོས་ལྟར་བོད་ཀྱི་སྐོར་གནས་དོན་གང་རུང་ཞིག་འདམས་ཏེ་གཞས་སམ། འབྲི་རྩོམ། རི་མོ་སོགས་བརྒྱུད་ནས་འགྲེལ་བརྗོད་བྱེད་དགོས། ལས་འཆར་བསྒྲུབ་པ་རྣམས་འདྲ་པར་ཡང་ན་བརྙན་པར་ཐུང་རིགས་(Youtube གྱི་དྲ་མཐུད་) བཟོས་ཏེ་སློབ་གྲྭའི་གློག་འཕྲིན་ཁ་བྱང་programs@tcccgc.org ཐོག་ཕྲུ་གུ་སོ་སོའི་མིང་དང་ལོ་ཁ་པར་ཨང་གྲངས་མཉམ་དུ་འདི་གར་གཏང་རོགས། ལས་གཞི་འདིའི་སྐོར་ཞིབ་ཕྲའི་ཆ་རྐྱེན་དང་དགོས་མཁོ་ཁག་སློབ་གྲྭའི་དྲ་རྒྱ་ནང་འཁོད་ཡོད་པའི་འདིར་སྣོན་རོགས།
འདེམ་ཐོན་བྱུང་བའི་ཕྲུ་གུ་ཚོའི་ལས་གཞི་སློབ་གྲྭའི་དྲ་རྒྱ་ནང་གཞག་རྒྱུ་ཡང་ན་༸རྒྱལ་བའི་བཀའ་དྲིན་རྗེས་དྲན་གྱི་དུས་དེབ་ནང་ཕྱོགས་སྒྲིག་གནང་རྒྱུ།
ཕ་མ་རྣམས་པས་རང་ཉིད་ཀྱི་ཕྲུ་གུ་ལས་འཆར་འདིའི་ནང་མཉམ་ཞུགས་གནང་ཐུབ་པའི་འབད་བརྩོན་གནང་དགོས་པའི་འབོད་སྐུལ་ཞུ་རྒྱུ།
ལས་འཆར་གྱི་དུས་བཀག་མཐའ་མ། ༢༠༢༠ ཟླ་ ༨ ཚེས་ ༡༦
གལ་སྲིད་ཁྱེད་རྣམས་ལ་ལས་འཆར་འདིའི་སྐོར་དོགས་དྲི་ཡོད་ན་སློབ་གྲྭའི་གློག་འཕྲིན་ཁ་བྱང་programs@tcccgc.org ཐོག་འབྲེལ་བ་གནང་དགོས་པའི་གསལ་བསྒྲགས་སུ།
གངས་ལྗོངས་ཆོས་ལྡན་གླིང་བོད་ཀྱི་སྐད་ཡིག་དང་རིག་གཞུང་སློབ་གྲྭ་ནས་ ༢༠༢༠ ཟླ་ ༦ ཚེས་ ༢༧ ལ་ཕུལ།
