CTAO /TCCC President (completed) and Board Member (open) Nomination
Nomination forms can be downloaded here.
Or if you have verbal consent, you can complete the Online Nomination Form
ཨོན་ཊེ་རི་ཡོ་ས་གནས་བོད་རིགས་འོས་བསྡུ་ཚོགས་ཆུང་གི་གསལ་བསྒྲགས།
ས་གནས་བོད་རིགས་མི་མང་རྣམ་པ་ལྷན་རྒྱས་ལ་དྲན་བསྐུལ་དང་བརྡ་ལན་འབུལ་རྒྱུ་ཞིག་ལ། ཕྱི་ལོ་༢༠༢༡ ཕྱི་ཟླ་༧ ཚེས་༣༡ཉིན་གངས་ལྗོངས་ཆོས་ལྡན་གླིང་བོད་ཀྱི་རིག་གཞུང་ལྟེ་གནས་ཁང་དང་། ཨོན་ཊེ་རི་ཡོ་བོད་རིགས་སྤྱི་མཐུན་ཚོགས་པའི་ད་ལྟའི་ཚོགས་གཙོ་དང་རྒྱུན་ལས་རྣམས་ཀྱི་ལས་དུས་རྫོགས་ལ་ཉེ་བར་བརྟེན། འདི་ག་ས་གནས་འོས་བསྡུ་ཚོགས་ཆུང་ནས་ཨོན་ཊེ་རི་ཡོ་བོད་རིགས་སྤྱི་མཐུན་ཚོགས་པའི་ཚོགས་གཙོ་དང་རྒྱུན་ལས་ཐེངས་༢༤ པ་དང་། གངས་ལྗོངས་ཆོས་ལྡན་གླིང་བོད་ཀྱི་རིག་གཞུང་ལྟེ་གནས་ཁང་གི་ཚོགས་གཙོ་དང་རྒྱུན་ལས་ཐེངས་ ༡༡ པའི་འོས་དམིགས་ཐོ་འགོད་ཞུ་རྒྱུའི་ལས་རིམ་དེ་བཞིན་ཕྱི་ལོ་༢༠༢༡ ཕྱི་ཟླ་༤ ཚེས་༡༠ ཉིན་འགོ་འཛུགས་ཞུ་རྒྱུ་ཡིན། འོས་དམིགས་འདེམས་སྒྲུག་གནང་རྒྱུ་དང་། དངོས་གཞིའི་འོས་ཤོག་འཕེན་རྒྱུའི་ཆ་རྐྱེན་ནི་དོ་བདག་སོ་སོས་བོད་མིའི་དཔྱ་ཁྲལ་ལག་དེབ་དང་། གངས་ལྗོངས་ཆོས་ལྡན་གླིང་བོད་ཀྱི་རིག་གཞུང་ལྟེ་གནས་ཁང་གི་ཚོགས་མིའི་ལག་འཁྱེར་ཡོད་པ་གང་ཞིག་ཚོགས་དངུལ་ཆད་མེད་འབུལ་མཁན་ཞིག་ངེས་པར་དུ་ཡིན་དགོས།
ཚོགས་གཙོ་དང་རྒྱུན་ལས་འོས་མི་འདེམས་སྒྲུག་གནང་རྒྱུའི་དུས་ཡུན། ཕྱི་ལོ་༢༠༢༡ ཕྱི་ཟླ་༤ ཚེས་༡༠ ནས་ཕྱི་ཟླ་༥ ཚེས་༢༢ བར།
བོད་རིགས་མི་མང་ལྷན་རྒྱས་ལ་ཕྱི་ལོ་༢༠༢༡ ཕྱི་ཟླ་༤ ཚེས་༡༠ ནས་ཕྱི་ཟླ་༥ ཚེས་༢༢ བར་ཚོགས་གཙོ་དང་རྒྱུན་ལས་རྣམས་ཀྱི་འོས་མི་འདེམས་སྒྲུག་གནང་རྒྱུའི་གོ་སྐབས་ཡོད། འོས་དམིགས་འགེངས་ཤོག་རྣམས་དྲ་རྒྱའི་ཁ་བྱང་ www.tcccgc.org ཐོག་ནས་བཞེས་རྒྱུ་ཡོད་པ་མ་ཟད། ༢༠༢༡ ཟླ་༤ ཚེས་༡༠ དང་༡༡ ཉིན་སྲིད་སྤྱི་གཉིས་ཀྱི་དངོས་གཞི་འོས་བསྡུའི་སྐབས་འགྲེམས་སྤེལ་ཞུ་རྒྱུ་ཡིན་པས། མི་མང་གང་མང་ནས་འགེངས་ཤོག་བཞེས་རོགས་གནང།འགེངས་ཤོག་ནང་བཀོད་པའི་དོན་གནད་རྣམས་ཆད་ལུས་མེད་པར་ལེགས་པར་བཀང་སྟེ་ཁ་བྱང་ [email protected] ཐོག་གློག་འཕྲིན་གཏོང་གནང་ཡོང་བ་དང་། ཡང་ན། ས་ཁུལ་ཁག་ཏུ་བཞག་པའི་འོས་སྒམ་ནང་བླུག་རོགས་གནང། གང་ཟག་སུ་འདྲ་ཞིག་ཨོན་ཊེ་རི་ཡོ་བོད་རིགས་སྤྱི་མཐུན་ཚོགས་པ་དང་གངས་ལྗོངས་ཆོས་ལྗན་གླིང་བོད་ཀྱི་རིག་གཞུང་ལྟེ་གནས་ཁང་གི་ཚོགས་གཙོ་དང་རྒྱུན་ལས་འོས་མིར་འདེམས་སྒྲུག་མ་གནང་གོང་། གང་ཟག་དེ་ས་དམིགས་དེར་ཞུགས་ཏེ་ཕྱག་ལས་གནང་གི་ཡིན་པའི་ངོས་ལེན་ཡོད་ཚུལ་སྐོར་འོས་དམིགས་འགེངས་ཤོག་ནང་གསལ་པོ་བཀོད་དགོས། གལ་ཏེ་ཚོགས་གཙོ་དང་རྒྱུན་ལས་འོས་མི་འདེམས་སྒྲུག་བྱས་པའི་གང་ཟག་དེས་ངོས་ལེན་ཡོད་ཚུལ་གསལ་པོ་བཀོད་མེད་ཚེ་འོས་མི་དེ་རྩིས་མེད་གཏོང་རྒྱུ་ཡིན།
དངོས་གཞི་འོས་ཤོག་འཕེན་རྒྱུའི་དུས་ཚེས་ནི། ཕྱི་ལོ་༢༠༢༡ ཕྱི་ཟླ་༧ ཚེས་༦ རེས་གཟའ་མིག་དམར་༸གོང་ས་མཆོག་གི་སྐུའི་འཁྲུངས་སྐར་ཉིན་ཡིན། གལ་ཏེ་ནད་ཡམས་རྐྱེན་པའི་འོས་བསྡུའི་དུས་ཚེས་ལ་སྒྱུར་བ་ཕྱིན་ཚེ་མི་མང་ལ་ཕྲལ་དུ་གསལ་བསྒྲགས་ཞུ་རྒྱུ་ཡིན་པ་བཅས་ཨོན་ཌེ་རི་ཡོ་ས་གནས་བོད་རིགས་འོས་བསྡུ་ཚོགས་ཆུང་ནས་༢༠༢༡ ཟླ་ ༤ ཚེས་ ༩ ཉིན་ཕུལ།
CTAO /TCCC President (completed) and Board Member (open) Nomination
Nomination forms can be downloaded here.
Forms are also available for download on www.tcccgc.org
The completed forms can be emailed to [email protected] or dropped in the boxes stationed at Tibetan Restaurants in Parkdale area or at TCCC 40 Titan Rd. Etobicoke ON.
The last date to submit the completed forms : Sun June 20, 2021. (Extended)
The tentative date for final election July 6, 2021 during HH the Dalai Lama’s Birthday celebration. Any changes in the election date will be communicated in time.
Election Committee of Tibetan Community in Ontario
Email: [email protected]
